INTRO
Sepeda motor adalah salah satu kendaraan yang paling banyak di gunakan oleh pengendara khususnya di Indonesia. Daya beli masyarakat yang tinggi terhadap kendaraan ini membuat jalanan makin padat dengan kendaraan roda dua ini.
Sepeda motor memang sangat praktis jika menghadapi lalu lintas yang padat dan macet. Namun yang menjadi kendala jika dalam perjalanan menggunakan sepeda motor terjadi hujan besar mau tidak mau harus berteduh.
Dengan besarnya angka pengendara sepeda motor, bisa dilihat banyak sekali sifat perilaku dari para pengendara tersebut, mulai dari hal positif sampai negatif. Berikut hal-hal yang banyak ditemui dijalan yang bisa mengganggu orang lain


1. PEROKOK

Ane belom pernah liat ada orang nyediain asbak di motornye. Ngepal ngepul dijalan sambil ngendarain motor terus ngebiarin abunye terbang kemana-mana. Emang ga bisa berenti dipinggir buat ngerokok. Selaen abunye bisa kena mata kan asepnye kaga sedap bray. Sorry bray ane bukan perokok dan menurut penelitian perokok pasif lebih rentan terkena penyakit dibanding perokok aktif


2. TANPA KASIH SEIN

Nah ini bahaya juga nih tau-tau maen belok aje kaga pake ngasih sein. Dikira pengendara laen punya indra ke-8 kali bisa nebak kalo doi mao belok. Ngasih sein ga butuh banyak tenaga bray, kalo emang aki ente abis minimal kasih isyarat pake tangan atau kaki sambil noleh dikit dan jangan pas lagi keadaan rada kenceng jalannye tau-tau belok, kalo udah mao sampe tempat belok sekitar 3-5 meter mending pelan-pelan aje bray.


3. MAEN HP

Nah ini sering ane temuin nih apelagi pas mulai maraknye ojek online sama game pokemon go. Kalo emang mao sms mending minggir dulu bray, ane kalo ngeliat orang megang hp sambal ngendarain motor tuh suka galau, karna biasanye yang lagi fokus sama hp itu suka ga fokus sama jalanan. Mending luangin waktu kalian bray buat minggir sejenak selesaikan urusan kalian sama sang hp.


4. NGOBROL

Ente kira ini ruang tamu ? Kadang ane nemu udah bawa motor ditengah jalan + pelan-pelan + ngobrol sama pengendara motor laennye. Sedap ga tuh gan buat disundul pake truk beras raskin. Kalo mao ngobrol mah mending nongkrong aje bray di café atau kalo ga ada budget ngupi-ngupi lucu di warung pinggiran juga ga masalah bray.


5. TANPA LAMPU NGEBUT MALAM-MALAM

Nah dari judulnye udeh bisa dibayangin gan, apa jadinya kalo ente ngeliat orang bawa motor yg lampunye mati tapi malah ngebut-ngebutan apelagi tau-tau nyalip. Rasanye pengen ane kasih nasi goreng tapi makan bareng singa biar singanye kenyang.


6. LAMPU DI MODIF WARNANYA

Nah modifikasi mah bebas bray tapi jangan nuker warna lampu depan ama belakang seenak jidat. Lampu depan diganti warna merah nah lampu belakang diganti warna putih. Ente piker dah bray, mungkin kalo siang ga masalah nah kalo malem dan lampu penerangan dipinggir jalan kurang bagus yg alhasil gelap bahaya kan bray buat orang laen.


7. SEIN KEMANA BELOK KEMANA VS SEIN KAGA BELOK-BELOK

Ente pasti tau bray kebiasaan ini. Yups tidak lain dan tidak bukan biasaya ini kelakuan sang penguasa jalanan yaitu emak-emak. Udah banyak korban bray masalah beginian dan ketika ente jadi korbannye bukan ga mungkin malah ente yg disalahin ama tuh emak-emak.


8. LAMPU BELAKANG KETUTUP

Ini buat para bikers yg pake jas ujan model batman (baca: manusia kampret) mending bagian belakang didudukin aja bray hal ini juga berlaku buat para jjilbabers syar’i, bukan kenapa-kenapa selain kita gatau kalo ente lagi ngerem hal itu juga bahaya kalo tau2 ngangkut di rantai/roda motor.


9. ANAK TOURING LAGI OFF AIR

Maksudnye off air tuh lagi kaga touring bray tapi perlengkapan ama sikap masih kaya lagi touring. Misalnye lampu strobe masih on, kalo urgent lagi bawa orang sakit sih kaga napah-napah bray atau pake box yg guede, ngeri bray kalo kesenggol, mending simpen dulu dirumah kalo kaga ada isinye.


10. MAJU MUNDUR CANTIK KAGA NYALIP-NYALIP

Kalo ini biasanye si engkong atau si eneng yg baru bisa bawa motor. Mao nyalip mobil didepannye tapi malu-malu kucing. Alhasil cuma bisa sabar menunggu kesempatan yg pas buat nendang motornya.



Ya begitulah gan, sebenernya masih banyak buanget kelakuan negatif yang ga pantes ditiru dari pengendara motor.
semoga kita bukan salaha satu dari mereka ya gan.

Bonus