kemarenan pan gw nganterin si mamat gosrek ke bogor setengah ye bray

ceritanye mo maen kerumahnye si didin bray

nyang kebetulan si didin entu abangnye si mamat gosrek bray

nah pas udeh nyampe lokasi nih bray, gw disambut hangat bray

gw disitu dijamu abis bray

gw disediain makanan, mulai dari ikan ikanan, sayur sayuran ampe buah buahan bray,

tapi disitu kagak ada daging dagingan bray

adanye daging mentah bray

entu jugak punya biniknye si didin bray

kalo gw minta gw bakalan ditabokin ame si didin bray

ah elah

nah disitu mamat gosrek cerita2 dah tu bray

pas gw lagi asik denger ceritanye mamat gosrek bray

ada ciwek bening glowing keluar dari kamar sambil nenteng kacang mede di toples bray

tu ciwek ternyata anaknye si didin bray

terus gw langsung nyeletuk pegini ke si mamat gosrek bray:

gw : "mat kacang mede nyang di tenteng ame ponakan lu keknye enak tu mat"

mamat : "lu mau cang?"

gw : "mau lah, monyet ae doyan mat"

mamat : "oke bentar"

si mamat langsung dah tu manggil ponakannye nyang ternyata benama siti bray

mamat : "ti kesini dulu sebentar"

siti : "ada apaan mang?"

mamat : "ti, taro sini kacangnye ti, temen mamang doyang kacang mede ti"

siti : "lah jangan mang, ini siti disuruh nenek buat di buang"

gw : "kok dibuang neng, emang kacangnya basi?"

siti : "nggak sih, belum juga ada seminggu"

mamat : "udah kesiniin kacangnye ti, nih mamang minta tolong beliin rokok dua bungkus, kembaliannye lu ambil"

siti : "iye deh mang"

nah ngopi sambil nyemilin kacang mede enak jugak ternyata bray

tapi kacang mede nye sedikit bau2 sirih bray

gw tanya ae ke si mamat gosrek bray

gw : "mat lu kagak makan ni kacang mat?"

mamat : "kagak cang, lu abisin ae dah"

gw : "serius lu gw abisin nih ya"

mamat : "iye, janganken kacang cang, ape nyang ada disini lu makanin ae sepuas lu cang"

gw : "iye, tapi enih kacang mede sedikit bau2 sirih mat"

mamat : "nyang penting enak cang"

gak lama si siti dateng dah tu bawa rokok, sekaligus neneknye si siti keluar dari kamarnye bray

neneknye si siti alias emaknye mamat gosrek ngomong begini bray

nenek : "ampe gak ngeh kalo ada lu dateng mat"

mamat : "tadi mamat mau bangunin tapi gak tega emak lagi pules tidur"

nenek : "lu dateng bedua enih ame si ruhidun?"

mamat : "iye mak"

nenek : "lu udeh gede ye dun?"

gw : "udah lah mak, makanin lele mulu pan saban hari"

nenek : "kasep lu sekarang dun"

gw : "dari lahir gw udah gantwng mubadjir mak"

nenek : "bisa ae lu keset wc"

gw : "masih bisa becanda ae mak"

nenek : "udah bawaan orok dun, eh monyong monyong lu makanin kacang gw ye dun?"

gw : "lah iya ini, abis enak buat temen ngupi mak"

nenek : "eh siti, tu kacang pan gw suruh buang, kenape elu taro disini?"

siti : "disuruh mang mamat buat temennya aja nek"

nenek : "lu bego dah pada, masa lu sediain kacang begituan buat si ruhidun"

gw : "kacang begituan gimane mak?"

nenek : "jadi begini, emak nih demen banget koclat silverking, saban hari emak beli tu koclat, berhubung gigi emak udah grepes jadi emak lamotin aje tu koclatnye, kacangnye emak kumpulin di toples"

anjrit bray

pantes ae agak bau2 sirih bray

jigong emaknye si mamat gosrek gw telenin bray

langsung gw auto muntah bray

tu si mamat gosrek malah seneng bet ngerjain gw bray

ampe ketawa kegirangan bray

akirnye gw ngambek n pulang naek grepkar bray

kesannye sama ae gw ciuman ame emaknye si mamat gosrek bray

ah elah