gue tadi jam sekitaran jam 1an di tampakin brur,

Ceritanye begini brur,
malem minggu eni pan gue kagak ada nyang nemenin brur, karna gue lagi bokek brur,

lu tau ndiri lah kalo lagi bokek, jangankan temen brur, setan aje kagak ada nyang mau nemenin,

nah karna gue lagi bokek gue jam 10 kewarung udin dah brur buat ngutang rokok ame kopi brur,

pas diwarung brur gue keasikan ngobrol brur, karna diwarung entu banyak anak2 brur,

sekiranye udeh jam 12 baru deh tu atu per atu anak2 ninggalin gue, gue sendirian lagi pan,

pas gue ngantongin rokok brur perasaan bungkusnye enteng brur, padahal baru ngutang ame si udin brur,

pas gue pirit ternyata rokoknye tinggal sebatang brur, pantesan aje anak2 pada cabut ninggalin gue, suee banhet dah.

terus gue mau ngutang lagi brur, buat stok dirumah, eh kagak dikasih ame si udin, hati gue gondok banhet brur,

sialan tu temen mau rokoknye doang, pas udeh tinggal sebatang pada kabur,

akirnye gue pulang dah sambil dongkol ni ati gue brur,

pas di jalan gue liat dirumah kosong ade nyang ngeliatin gue brur,

gue samperin aje brur, karna otak gue lagi mumet brur,

pas gue samperin ngilang brur,

cuman ada nyang ketawa doangan brur,

Pan gue nambah dongkol brur, gue abis dibikin kesel ame temen gue malah ditambah kesel lagi ame nyang ketawain gue,

terus gue mindik2 aje brur buat cari tau dimane arahnye tu nyang ketawa,

akhirnye pas gue mindik2 ketauan juga brur die ada dipojokan rumah brur


ternyata die ada dipojokan tembok rumah kosong brur,

Gue tabokin aje tu die ampe bodoh brur
akirnye tu setan minta ampun ame gue brur,

yaudeh karna gue udwh puas bikin bodoh die gue lanjut pulang aje brur, langsung nulis bingkin trit eni brur,



Edit/lanjut:
Ehh brur lu tau kagak gue tambah pusing lagi brur, kenape gue nambah pusing lagi?

yang gue tampolin si mumu kang bangunan brur, palanye die benjol kena batu akik gue brur,

Yaudeh akirnye pagi jam 2 gue minjem duit ame engkong gue brur,

minjemnye dalem ati brur alias engkong gue lagi tidur gue ambil aje seratus rebu brur di lemari nye (lu jangan ngikutin gue)

buat si mumu beli betadin 10rebu sekalian perban,

tapi gue lempengin dah gue kasih gocap brur,
jadi sarang gocap ame gue,

akirnye gue bisa ngerokok ame ngopi lagi brur,

tapi mudah-mudahan aje engkong gue kagak nanyain,

doain aje ye brur,


bikos kalo engkong gue tau gue bisa di tempelang brur




pesen gue brur:
Lu jangan ampe dah jadi orang bokek,
setan aje ngeledekin apelagi orang brur,