mungkin sebagian dari lo orang kagak tau ape artinye cepol,

gue juga awalnye kagak tau brur apaan tu cepol,

yang jelas di cepol entu kagak enak brur,

ni gue mo cerita waktu gue ame mamat.gosrek dicepol same orang brur,

kejadian nye waktu taon 80s brur,

pan gue ame si mamat gosrek lagi maen dingdong ye, nah gue tuker deh duit rebuan gue jadi koinan brur,

terus gue maenin deh tu ding dong, sambil duit koinan nye nyang gue tuker tadi gue taro di mulut brur, (udeh kebiasaan)

gak lama dateng tukang palak koinan brur, die ngolekin gue brur,

berhubung gue pelit gue geleng2 aje kepala gue brur, ngasih tanda kalo gue kagak punya duit,

terus celana gue diperiksa ame tu kang palak brur,

berhubung gue masing kecil kagak pernah pake celana nyang ade kantongnye gue mah brur,

akhirnye tukang palak meriksa sempak gue brur, sempak gue di odok2 pake tangan nye si kang palak,

pas tangan nye masup ke dalem sempak, gue kegelian brur terus gue ketawa ampe koin di mulut gue jatoh brur,

eh tukang palaknye naek darah brur karne ngerasa gue boongin brur,

tukang palaknye bilang "tu duit lo ada dimulut, karne lo boong lo gue cepol ampe tolol"

terus akhirnye gue di tonjok brur, nah di cepol entu artinye di tonjok brur,

terus gak lama temen gue si mamat gosrek ngikut ketawa ampe ngakak brur (karne dari pas sempak gue di odok2 ame kang palak gue liat die nahan ketawa brur)

akhirnye mamat gosrek kena cepol juga brur ame kang palak brur, akhirnye si mamat gosrek ame gue jadi bonyok brur

ni gambaran orang di cepol kek gini brur:









sekian brur

perhatian:
Jangan pernah cepol orang sebelon lo ngerasain dicepol orang