oi brur, kenalin name gue bang petruk,
gue entu ganteng, kalo lagi bikin trit, cuman gantengnye di trit gue sendiri

mmmm, gak brur jadi gini brur, gue pan punye sahabat ye, namanye mamat gosrek, nah gue biasa manggilnye mat gosrek,

tu mat gosrek entu temen kecil gue brur, nah mat gosrek entu sering gue jadiin bahan percobaan brur,

Waktu jaman dulu pan anak STM doyan tauran ye brur, nah ceritanye gue ame mat gosrek ke daerah kulon brur buat cari elmu kebal,

sampe di kulon muke gue ame muke si mat gosrek disembur pake aer brur ame entu dukun, gue tadinye sempet kesel juga ame tu dukun brur, kalo bukan dukun die udeh gue cepol brur

akhir nye pas udeh selesai ritual dukun nye sekarang lo berdua udeh kebal, dan lo bedua sekarang kudu bayar 500rebu....
"BUSYEHHH, mahal bener kun, gak bisa 200rebu kun, duit gue tinggal 100rebu kun"

akirnye gue nego brur, mau juge dah tuh untungnye si dukun brur,

Gue kolekan dah ame si mat gosrek, gue bayar 50rebu mat gosrek bayar 150rebu,

pas nyampe luar rumah si dukun, gue mo ngetes ceritanye nih ame mat gosrek,

"Srek coba lo gue tes kebal kayak nyang dukun bilang ape kagak?"

terus si gosrek jawab,
"iye truk leh uga tuh, tapi jangan maen sabet pake golok truk, tar kalo si dukun bohong leher gue malah coplok lagi"

gue bilang aje,
"kagak srek coba lo nunduk kalo berasa sakit lo teriak kalo kebal lo ketawa, OKE srek?"

Akirnye si gosrek nurut ape kate gue brur, die nunduk brur, terus dalem itungan ketiga gue gatak aje pala nye pake batu cingcin gue brur,

Lo tau kagak si gosrek ketawa ape teriak sakit?

nih die exspresi si gosrek pas gue gatak pake batu cingcin brur



ternyata gue diboongin brur, gue balik lagi dah tu ke dukun nye, lo mau tau kagak expresi dukun nye pas gue samperin?

ni die expresi si dukun nye brur:

Nah gitu brur expresi dukun nye pas gue samperin.


nah gue juga tau expresi lo kek gimane pas lo liat trit gue eni brur,

Ni expresi muke lo kek gini:


Iye kan?
buruan dah lo ngakak sebelon gue cepol