jadi ceritanye begini brur,
tadi sore gue pan lagi jjs ye brur,

biasa gue tiap sore jjs brur ke taman buat liat2 cewek bening lagi olahraga brur,
apelagi hari minggu kek gini brur, weleh tu gue demen ngeliat baju ketat berkeringet brur,

pas asik nongton cewek2 lagi olahraga, temen gue si udin nyamperin gue brur,
"truk truk, si mamat gosrek kesurupan truk, lu bisa gak ngatasinye?" kate si udin

terus gue bilang aje, "mang kagak ade pak ustad ape din?, gue gi seru nih lo gangguin aje din"

"waduh truk, pokoknye lu liat aje deh dulu kesane, kesian truk"

yaudah akhirnya gue ame si udin kesane brur buat nyamperin temen gue nyang kesurupan brur,
<---udin <---petruk

pas ampe TKP brur ternyate temen gue si mamat gosrek lagi ngerangkak-rangkak brur


tapi temen gue si mamat benjol lagi ngatasin temen gue si dmamat gosrek brur,

di pencet2in jempol kakinye brur, cuman netep aje kagak keluar tu setanye brur,

akhirnye gue nyang maju brur, tu temen gue lehernye gue piting brur,
sambil lehernye gue piting terus gue tanya deh tu nyang kesurupan:

gue: woy name lu siape?
mamat gosrek: "name gue mamat bego"
gue: "lu mamat gosrek pan bukan mamat bego"
mamat gosrek: "iye gue mamat tolol"

tu orang bener2 kesurupan brur, namanye sendiri lupa,
yaudeh gue suruh si udin bawain aer segayung brur,
pas gitu gue siremin palanye brur, gue koprok gitu biar keluar entu setan nye,

entu setan gak mau keluar juga brur, yaudeh gue tampolin mukenye brur,
pas abis gue tampolin die diem gak begerak brur,

piling gue sih setannye udeh keluar, terus gue bawa temen gue ke klenik terdekat brur,

abis entu gue balik deh brur kerumah, buat maghriban.


pas abis maghrib temen gue nyang kesurupan dateng kerumah gue brur,
mungkin mau ngucapin terima kasih ame gue brur,
sape tau juga die ngasih duit buat rokok brur,

baru aje masuk rumah gue tu si mamat gosrek nampol gue brur sambil bilang gini ke gue
"woy bego lu ye, gue lo tampolin mang gue maling"

terus gue bilang, "lu tadi kesurupan bego, nama lu aje tadi lu bilang mamat bego ama mamat tolol,"

terus si mamat gak mau terima die bilang " iye tadi entu gue mamat begoooo"



lama2 gue capek debat kek gitu brur,
gue mau tanya sebenernye siape nyang salah si brur?
udeh gue tolongin kok malah begitu temen gue si mamat gosrek brur.