Startup
Dunia startup yo sebagian besak mungkin dolor disini udah idak asing lagilah samo kato kato ini, dari istilahnyo startup windows dak idup sampe prusahaan berbasis it digital, menkato wong tu startup itu identik dengan teknologi tapi nyatonyo startup jugo biso lahir dari disiplin ilmu yang laen, kito copy be langsung dari situs laen apo artinyo.

Id.Wiki

Dailysocial


Cak mano nak bangun startup ? Men baco baco di artikel tu mulailah dengan permasalahan disekitar dak harus nak buat yang biso ngubah dunio e.g. Misal dulur punyo cerito kesasar gara gara nyari tempat nikahannyo kawan dulur karena undangan nikahnyo dak begitu jelas, nah mungkin dari situ dulur dapet ide untuk nyelesaiken masalah itu, dimano dengan membuat aplikasi undangan online, aplikasi ini biso bulk masal lewat email atau sms, lengkap ado surat pernikannya, foto/video prewedding nyo, petanyo, ado ucapan atau komentarnyo cak undangan masa depanlah kiro kiro dak harus pakek kertas lagi,

Cak mano Mengeksekusi ide startup? Nah dari situ dulur biso rekrut atau dengan kemampuan pitching dulur, dulur biso meyakinke kawan kawannyo yang kompeten bahwa ide yang di presentasike punyo bisnis yang menjanjike di masa depan, untuk startup dewek idealnyo harus punyo 3 uwong ini atau startup triangle team, Hustler, Hipster dan Hacker

Hustle, wong ini emang corenyo dibidang bisnis, yo kato kela bussinessman, biso buat nombok jadi untung atau loss jadi profit
Hipster, designer yang ngerti UI/UX, yang ahil dibidang visual (punyo sense of design), nyatonyo user dirluar sano bakal liat visual dari pada dalemannyo
Hacker Wong sikok ini yo biso dibilang bertanggung jawab di bidang teknologi dio punyo passionate di bidang programming

Akhir kata yo carilah team yang biso diajak kerjo samo, yang punyo passion di bidang nyo masing masing + entrepreneur, kareno titik kritis startup yo di awal awal dio berdiri, biasonyo startup bakal bootstrap atau nombok biaya keperluan masing2 jadi team dak begaji di awal awal.

Bangun startup yo pasti pengen untung dan kayo yodak?
Kato wong tuwo tu kerjo keras kalo nak idup enak, yo jalanke startup jugo cak itu dari bibit dulu trus dirawat sampe ngasilke duit, evaluasi startup secaro periodik liat perkembangan startup per periode ado dak perkembangannyo menkiro kiro stagnan misal profit nyo cuma biso ngegaji team kamu bae yo startup kamu harus sedikit di ubah (pivot) cak mano caro ngasilke duid (monetize), awal awalnyo jugo para foundernyo pasti dak punyo kantor manfaatke apo yang ado biso kamar dewek, kamar ngaggur atau garasi cak steve jobs bangun apple

Pengen dapet funding dari venture capital atau angels Setiap startup yang masih di titik kritis tentunyo pengen biso dapet seed funding atau dana awal biar biso tahan idup, nyatonyo investor diluar sano dak bakal mudah ngeglontor ke dana katokela puluhan juta, ratusan juta, namun kalo startup yang kito bangun sudah punya track record atau dah biso ngasilke untung kito biso ngajuke dana ke investor buat dapet pendanaan kalo dana itu emang diperluke puat expansi startup.

Exit go public, di akuisisi setiap founder pasti pengen punyo mimpi yang terbaik untuk startup,

Contoh startup yang sukses
Luar negeri Cak Facebook, Twitter yang kito pakek sehari.
Dalem negeri katokela Kaskus, Bukalapak Atau Tokopedia yang baru baru ini dapet funding 100Jt$ dari Venture Capital
--------------------------------------------------------------------------------------------------------------------------------------------------------------------------------------------------------
Akhir kato penjelasan diatas itu iyo la siklus sederhana dari startup, betapo besak peluang kalo kito serius ngejalanin bisnis startup ini, dak usah nak tinggi tinggi nian paling idak ambek peluang di daerah kito dewek atau indonesia umumnyo, aku buat thread ini semoga kawan kawan yang intents, nak terjun atau pengen tau tentang startup biso diskusi, bebagi pengalaman atau nyari team bakal lebih mudah dimano kito udah punyo komunitas.

Komunitas Facebook