kemaren malem iseng-iseng , emang ane ama temen ane udah CS berat ... akhirnya karna ngotak-ngatik cenel tipi ngga ada yang seru ane ama temen ane akhirnya Ngobrol aje ama die......!!!

ngobrol becandaan (adu bacod)... temen ane nih jago banget ngelesnya..

nih omongan dimaksud buat nginget masa kecil ane be2 temen ane, tapi yang ada dia malah ngelantur.. -_-"

A : Ane
T : temen ane..




T : Inget ngga dulu waktu kite nyolong mangga..??
A : Iya...waktu ntu lo yang naek...!!

T : iya... kan lo yang nyampe Ujung..!!
A : Lu make matahin cabang.. ampe jatoh...!!
T : kan lu yang bunyi ampe gedebug..!!

A : kan lu yang tulangnya ringsek...!!
T : lah, elu yang di gotong kerumah dah mati..!!

A : trus kan lu yang dipanggilin Amil...
T : elu yang disholatin..!!!

A : trus kan lu yang dibungkus kaen putih...!!
T : kan lu yang di bawa pake kurung batang kaga balik-balik lagi,,,..!! lah masa gw kalah ama lo..!!

A : trus lo dimasukin turunin kelobang kubur..!!
T : lo yang di tutupin dinding Ari (papan penutup kubu)..!!

A : lu yang di alingin tiker di injek-injek.
T : lu yang di adzanin..

A : lo yang di talqin-in...!!
T : kan lo yang di tinggal sendirian..!!!
A : lo yang jadi memedi(setan ato hantu).
T : lo yang di tanya wamukirun...!!
A : ??? wamukirun..??? sapa tuh..???
T : itu yang suka nanya-nanya dikuburan... yang katanya jenggotnya sedada..,..!!
A : jahhh... munkar wa nakirun..!!
T : kaga bisa lidah gw mah...soalnya bibir gw lagi dines. lah bibir lu mah preman... kalopun gw di upahin duit sejuta.. kan susah itu nyebut wanakirun..
A : (sewot udah ampe ujung ubun-ubun ampe akhirnya ane nyerah..!!!)

dengan bangga temen ane nyeruput kupi yang udah aga' dingin...!!

sori gan kalo ngga lucu... maklum ane masih nubi...!!!

Mampir juga di trit ane yang sederhana laennya..

http://www.kaskus.co.id/showthread.php?t=13288142 = Cerita adik ane..

http://www.kaskus.co.id/showthread.php?t=10744733 = Guru ane yang hebat

Up date gan, kali ni bukan ane yang bebacot, tapi temen ane sendiri yang kalah ama bacot nye.. hahaha

Nah pan hari minggu, pas temen ane libur kerja, die nginep dirumah ane, ber hubung temen ane kaya kebo kalo tidur walhasil susah banget kalo di bangunin, temen ane kalo bangu tidur jam 10-an gan, pokoknye idungnye ngendus ikan mateng dari penggorengan pasti bangun.

A = Ane
T= Temen Ane
M= Emak ane tercinta

begini ceritanye:

M : yot, temen lu bangunin noh, udeh siang (ane dirumah dipanggil mayot)
A : lah, pan emak tau sendiri, ntar juga die bangun..!

nah kaga lama pas ane lagi benerin nyuci motor diluar temen ane bangun nyamperin ane keluar.

T : uset dah, rajin amat luh subuh-subuh nyuci motor.. (matanye masih belekan sambil ngucek-ngucek mata)
A : subuh pala lu ngebul, matahari udeh tinggi noh.
T : lah, ntu matahari.! gw kirain bulan purnama...
A : yaudeh sono lu mandi dulu, emak gw bentar lagi kelar noh masaknye..

skip, temen ane kelar mandi, kan ane, Emak ane, sama temen ane makan barengan di dapur sambil ngobrol, nah pan emak ane kalo masak sayur asem di panci, kalo mau makan palingan di sendokin ke mangkok, posisi ane deket ama panci sayur asem ntu. ini die kejadian yang aneh bin ajaib. percakapannye gini.

T : yot, ambilin gw sayur asem lagi dong.
A : lah, kalo mau nambah mah, sendok sendiri makan..
T : emangnye gw orang gila makanin sendok..
A : lah, ngapa lu jadi nye sewot..!!
(emak ane udeh nyengir kuda disini)
T : kalo nyusuh orang nyendok makan bukan gitu dong caranye..!!
A : trus gmane?
T : begini, lu bawa kemari tuh panci, gw sendok ke mangkok, trus gw sendok dari mangkok trus gw makan... (nadanye makin pelan) lah makan sendok juga. (emak ane ketawa gan, cekikikan) lah coba ganti, mangkok deketin ke panci, sayur sendok ke mangkok, trus sendok dari mangkok taro kemulut... (nadanye makin pelan) sialan amat, makan sendok lagi aja gw... Nah gini aje (temen ane udeh kesel kayanya) sendok taro mangkok, mangkoknye deketin kepanci, nahh banting tuh panci ke mangkok, sialan banget tuh sendok, jadi kaga napsu makan gw... ( ane ama emak ngakak sejadi-jadinya)
M : mangkanye pake "Nye".. "Nyendok, trus makan..(sambil ketawa)
T : lah kalo pake "nye" jadi kaga makan sendok..
A : Mangkanye gunakan Bahasa Indonesia yang Baik dan Mendingan Dikit.
T : sok tau ah... sok tau...

ane kalo keingetan masih ngakak aje ame tingkah temen ane yang 1 nih