Yang nak betanyo tentang rubik disini bae, kagek aku jawab sebisonyo.

Yang belum tau dengan apodio rubik itu, aku jelasi secaro singkat dulu disini.
Ini dio gambar rubik.


Nah, pasti dulur-dulur sebenernyo ado yang tau dengan maenan ini tapi dak tau namonyo.

Sekarang aku jelaske dikit sejarah rubik.

Rubik's Cube (Kubus Rubik) ni sebuah permainan teka-teki mekanik yang ditemuke taon 1974 oleh pemahat yang jugo profesor arsitektur Hungaria, namoyno Ernó Rubik. Dulu bentuknyo idak kotak cak yang gambar di pucuk tu, tapi cak ini na.


Nah, taon 1975 di Ernó Rubik ni matenke maenannyo, tapi dulu namonyo bukan Rubik's Cube, tapi Magic Cube. Sesudah dipatenke, maenan warno warni ini jadi terkenal dan mulai taon 1980 maenan ini diekspor keluar negeri dan namonyo baru diubah jadi Rubik's Cube. Maenan ini sempet dilombake lur taon '80an (lupo aku tepatnyo tanggal berapo ). Tapi mulai taon '90an maenan ini seakan hilang ditelen jaman (ah lebai).
Kito jingok dulu lur cakmano rai Erno Rubik ni:


Pada taon 2000an rubik ni jadi idola lagi, dan diadoke lomba pulo sampe sekarang.
Organisasi rubik jugo ado namonyo WCA (World Cube Assosiation), organisasi ini mirip-mirip cak FIFA, FIBA, dll. yang ngatur segalo tata caro tentang perlombaan dsb.
Ini dio situs WCA http://www.worldcubeassociation.org/
Sampe sekarang sudah banyak macem-macem rubik, mulai dari yang 2x2,4x4,5x5,square-1,fisher,dll. (banyak nian lur macem-macem rubik ni ado puluhan, dak sanggup aku nyebutnyo sikok-sikok ). Tapi yang dilombake oleh WCA cuma ado beberapo, biso diliat disitus WCA.

Nah di Indonesia jugo ado lur organisasi cak PSSI nyo FIFA, namonyo NSA (Nusantara Speedcubing Association). Ini situsnyo http://www.nsa.or.id/.
Nah situs komunitas rubik di Indonesia ado jugo lur, namonyo http://www.rubikku.ning.com/
Di Palembang ni ado jugo komunitas rubik, namonyo Palembang Cuber, biaso ngumpul tiap minggu siang di food court PTC.

Sedikit info lur, Indonesia ni banyak cuber-cuber (sebutan untuk wong yang maen rubik) hebat, diantaranyo Jihan Khalilulrahman (pemegang rekor Asia yang jugo juaro 3 dunia maen rubik sikok tangan ato yang disebut One-Hand dengan waktu 13,58 detik), ado lagi Muhammad Iril Khairul Anam (pemegang rekor dunia nyelesaike 16 rubik dengan mato tetutup ato yang disebut Multiple Blinfolded dalem waktu kurang dari sejam). Hebat dak lur, bangga jadi wong Indonesia

Tapi lur, dunia rubik ni dak lepas dari namo-namo wong ini, Abel Brata (pemegang rekor MURI taon 2007 nyelesaike rubik 3x3 dengan waktu cepet), Virkill (wong pertamo di Indonesia yang biso maen rubik mejem), DD Crow (pembuat situs rubikku), dan Maria Oey (wong yang ngadoke kompetisi resmi pertamo kali di Indonesia) dan masih banyak lagi lur.

Bagi dulur-dulur yang nak belajar maen rubik biso liat di Youtube. Ini aku kasih:


Sikok lagi aku kasih lur, channel Youtube tentang rubik yang di buat oleh cuber-cuber hebat Indonesia. Cekidot http://www.youtube.com/ajarindongKK

Nah lur, cukup sampe disini aku jelaskenyo, tangan aku la pegel ngetik ni . Kagek aku tambah-tambah lagi isi tritnyo kalo sempet
Kalo ado yang nak betanyo seputar masalah rubik silahken nanyo disini be lur, kagek aku samo kawan” kaskuser yang laen bantu jawab dan mecahke masalah yang ado semampu kami

btw mang, jangan lupo di rate ***** samo nyo

-----------------------------------------------------------------------------------------------------------------------------------------

UPDATE

- Istilah-istilah dalem Rubik
- Notasi Algoritma Rubik
- OLL
- PLL
- Tutorial Rubik Megaminx
- Cara Menyambungkan Stackmat ke Komputer
- Video Tutorial Rubik 4x4
- Video Tutorial Rubik 2x2
- Video Tutorial Pillow Mastermorphinx
- Video Tutorial Cara Membuat Rubik Siamese
- Video Tutorial Rubik Siamese
- Algoritma OLL One Hand
- Membuat Stackmat
- Tutorial One Hand (Tips & Trick)
.


-----------------------------------------------------------------------------------------------------------------------------------------

UPDATE FOTO-FOTO DI #POST3