Tinggal di Tete Pu Kampung
Ada anak kecil 1 nama Kanip, de tinggal deng de pu tete di kampung, baru dong pu rumah tu belum ada listrik ka ini.

Trus begini, kan su malam, jadi tete deng Kanip ni cuma kasi terang rumah deng pelita saja.

Sekarang dong mo tidur, tapi nyamuk tinggal sambar-sambar trus. "NYIIINGGG!"

Kanip de bilang, "Tete nyamuk banyak skali ni..."

Tete jawab, "Coba cucu ko kasi padam pelita?"

Jadi Kanip mulai jalan kasi padam pelita. Kaget begini kunang-kunang masuk. Kanip langsung angkat bicara, "Tete itu apa???"

Tete ko jawab, "Cucu... sssttt, ko diam! Tu nyamuk dong ada cari tong dua pake senter!"

Menikah dengan Perwira AU, TNI AD, dan Penyanyi
Pace satu dong pu anak mantu 3, mantu pertama seorang perwira AU, mantu kedua seorang perwira TNI-AD, yang ketiga seorang penyanyi.

Tengah malam pace toki-toki pintu kamar anak-anaknya yang lagi malam pertama, maklum dinikahkan bareng demi efisiensi dan ekonomis.

Pintu pertama Pace toki, dari dalam anak perempuan dia buang suara, "Pesawat siap mendarat landasan su siap didarati!"

Pintu kedua dia toki, dari dalam anaknya setengah berteriak bilang: "Peluru siap ditembakkan, sasaran tembak sdh siap!"

Pas pintu ketiga pace satu dia toki-toki sampai dong pu tangan macam su mau lecet tarada jawaban dari dalam. Besoknya pagi-pagi di meja makan, pace yang penasaran, kontan tanya,

"Anak, kenapa tadi malam bapak toki-toki tidak ada sahutan dari dalam?"

Si anak jawab dengan santainya: "Maaf Bapak... anak tra bisa bicara, maklum, mulut su ponoh deng sa pu laki pu mic..."

Bengkak Digigit Semut
Satu kali semut gigit Tete Pu "barang" bengkak jadi Nene bilang:

"Tete dari tong dua kimpoi sampe dapat cucu-cucu ini baru sa rasa ko pung barang besar... Sampe sa senang o..o.. Ko bungkus ka?"

Tete jawab: "Bungkus apa, tadi sa cabut-cabut rumput di kebun baru semut gigit jadi bengkak!"

Nene senyum baru bisik tete pu telinga: "Lain kali kalo mo main ko kasih lebah yang gigit...e...!!"

Tiger Hitam di Garasi
Ada tete satu duduk di depan toko, dia juga tau klo dia punya celana ada tarobek. Trus ada satu cewek lewat, lalu cewek bilang begini:

"Ee... tete garasi ada tabuka tu...e"

Trus tete dgn penuh percaya diri jawab:

"Brarti ko su liat ada MOTOR TIGER HITAM parkir di dalamnya too?"

Cewek bilang:
"Ah trada... sa cuma liat MOTOR VESPA TUA yg bannya lagi KEMPES moo..."

Tete jawab:

"Biar MOTOR VESPA TUA tapi mesin KAWASAKI nyongg..."

Kucing Pu Nama
Suatu hari Ongen dari Papua pulang ke Ambon. Dia jalan-jalan ke Petrus pung rumah. Dia lihat Petrus pung kucing paling bagus ee...
Lalu Ongen tanya : "Petu, ale pung kucing bagus ee... akang pung nama sapa la..?"
Petrus jawab: "Akang pung Nama Purnama Utaminingsih Setiawati Susnaminati.."
Ongen: : "Tuangala petu ee, nama pung panjang lawang, tarus panggil akang sapa la...?"
Petrus: "Singkat za, panggil...'PUSS' towh...?"

Kasih Om Sebelah
Ada tete 1 de naik busway trs duduk di sebelah ibu muda cantik dan seksi, yang mau kasih ASI sama anaknya. Pas mau menyusui, bayinya tolak lalu mamanya bilang:

"Sayang, minum susunya dong??! Kalo gak minum mama kasih ke om di sebelah lho??"

Tapi anak de tra mo isap tetek ibunya, trus ibunya bilang: Sayang minum dong, klo gak minum mama kasi om beneran nih..!"

Langsung tete de bilang: "Maaf ibu..!! tolong cepat buat keputusan kaa.!! Soalnya sa su mo turun jadi...!!"

Mace Mencuri Pisang
Napi 1 dia bkin kebun pisang di 1 pulau yang kosong jada setiap kali napi mau pergi panen sudah ada orang yang pergi panen duluan, Napi emosi skali.

Pas musim panen berikut, de bikin pondok di kebun untuk tidur jaga-jaga pencuri jadi napi sambil tidur tiba-tiba ada mace serui 1 menggayuh perahu menuju pulau yang Napi ada tanam pisang dan mace sandar perahu langsung tebang pisang-pisang di situ.

Napi brteriak: "Iyoo mace ko tebang, ooo bikin macam ko yang tanam pisang saja!"

Mace karena kaget langsung mace bilang: "Boo... Napi saya minta maaf sekali, tapi Nap ko hitung sudah brapa nanti sa bayar..."

Nap cuma jawab: "Sudah-sudah! Potong daun pisang dan alas di situ... jangan bicara banyak lagi... Hehehee...."

Periksa Kehamilan di Klinik KB
Ada ibu muda periksa kehamilan di Klinik KB,

Dokter: "Ibu yang bulan lalu datang periksa KB to...?"
Ibu: "Iya Dok.."
Dokter: "Trus sekarang ada apa?"
Ibu: "Saya hamil lagi dok."
Dokter: "Loh... Kok bisa..., Lalu obat KB yang saya kasih diminum tidak?"
Ibu: "Bagaimana tidak hamil Dok, obat baru sampe di leher, celana kolor su sampe di lutut..."

Kepala Suku Mati
Ada kepala suku mati, untuk menghargai beliau dong tara bakar tapi dong mau kubur. Jadi dong cari peti ke tukang mebel dong tanya peti satu berapa.

Tukang bilang 1 juta.

"Ada yang mura ka..."

Tukang bilang ada 2 ratus ribu tapi kaki di luar.

Pelajaran Berenangologi
Ada tete dan cucu. Cucu ini su sarjana, jadi de pulang kampung cari ikan sama tete. Cucu tanya: "Tete, ko tau Biologi"?

Tete geleng kpla.

"Baru Sosiologi"?

Tete geleng kepala lagi.

"Baru Antropologi"?

Tete geleng kepala {tapi dalam hati tete su ganas}

Sampe tengah laut, tete tanya ke cucu: "Ko tau pelajran Berenangologi"?

Cucu geleng kepala.

Tete bilang: "klu ko tratau pelajraan Berenangologi itu nanti ko Tenggelamologi trus ko Matiologi... Haahaahaaeee..."

Bekas Pacar Presiden
Anak kecil satu pulang sekolah trus tanya sama de pu mama...

"Mama, tadi di sekolah Ibu guru bilang Megawati dulu pacar sama SBY..."

Trus de pu mama bilag begini "Eeeee!! Ko anak kecil jagan mo bicara barang begitu, ko masi keci tidak tau apa-apa...!!"

Trus anak kecil bilang sama de pu mama begini, "mama, tidak, tadi Ibu guru bilang di sekolah itu Megawati tuuu mantan Presiden..."

Suntik Gratis di Mantri
Ada pace satu sakit pergi berobat ke mantri:

Pasien : "Saya mau berobat, Pa..."
Mantri : "Bapak pu keluhan apa ka?"
Pasien : "Sa pu badan panas, kepala pusing trus tra bisa makan nih, tapi sa tra punya uang Pa Mantri bisa tolong ka?"
Mantri : "Bapak tenang saja nanti sa suntik supaya cepat sembuh."

Trus pace buka celana langsung mantri suntik. Tra lama mantri tanya pasien,

"Bagaimana bapak su rasa segar ka?"

Pasien jawab: "Sa su rasa segar sekali... Boo Pa Mantri pu obat saja mantap sampe, baru obat pu nama apa ka?"
Mantri jawab: "Tadi Bapak bilang tra ada uang jadi sa cuma suntik deng air putih saja supaya tra usah bayar."

Hahaee... pace langsung pingsan dengar mantri pu jawaban...

Pu Karunia Menyembuhkan
Mina bilang ke Joni : "Sayang, sa pu gigi ni sakit..."
Langsung joni tanya : "Mana?"

Setelah periksa sebentar Joni cium de mina pu pipi pas tempat gigi yang sakit..

Joni : "Bagaimana? Masih sakitkah, Sayang?"
Mina: "Su tra sakit malahan su sembuh, Tapi sekarang sa pu leher yang sakit." Lalu Joni cium Mina pu leher lagi...
Joni: "Su sembuh to?"
Mina: "Sayang, ko hebat smpe.. Dorang dua tidak sadar kalo mina pu nenek ada perhatikan dari tadi.."

Tiba-tibe nene bilang, "Cucu, ko dapat karunia kapa, ko hebat sampe..."

Joni : "Itu belum seberapa, Nenek..."
Nene: "Mari kalo begitu ko bisa bantu kasi smbuh nenek pu AMBEYEN ka.."

Hadiah Valentine dari Yakob
Nonce menangis, jadi Mince tanya, "Nonce ko kenapa?"

Nonce jawab, "Mince, hari ini valentine day's baru Yakob kasih saya bunga."

Mince bilang, "Bagus to? It tandanya Yakob sayang ko, makanya dia kasih ko bunga."

Nonce bongkar menangis karena emosi dia bilang,

"Mince, kalo Yakob kasih bunga mawar ato melati trapapa! Ini Yakob kasih saya bunga pepaya!"

Cari Babi Talapas
Simson pu babi talapas, jadi dia pi cari... Dia liat tete Yafet talinga kongslet ada duduk depan rumah, jadi simson tanya Tete dia...

Simson: "Permisi tete... Ada liat sa pu babi ka?" (Volume 5)

Tete Yafet: "Apaa??"

Simsom: "Tete liat sa pu babi?" (Volume 7)

Tete Yafet: "Apaa??"

Simson: "Tete ada liaaat sa pu babi?!?!" (Volume kandas)

Tete Yafet jawab sante:

"Oooo... Coba ko liat depan situ... KALO ADA DIA PU SANDAL BERARTI DIA ADA NONTON SINETRON DALAM..."

Cara Mengungkapkan Cinta di Papua
Seorang pemuda Papua mengungkapkan cintanya pada seorang gadis. Begini dialog nya:

Pemuda : "Ade, beta su lama jatuh cinta ke ade. Ade mau jadi kaka pu pacar ka?"
Cewek : "Adooo, kaka. Tra bisa. Sa masih sekolah."
Pemuda : "Ooooo.. kaka kira ade sudah libur..."

Cubit Pipi Bayar Sejuta
Yaklep bagatal liat perem cantik trus dia bilang, "Ade sa cubit ko pu pipi sekaliiii saja, nanti sa kase ko satu juta rupiah,"

Tadinya si perem marah, tapi stelah pikir-pikir cari uang di jaman skarang susah, skali cubit apalah artinya. "Sa mau tapi kitong sambunyi di balik pohon ehh" kata si perem.

Pas di bawah pohon begini pipi halus itu diberikan, namun sekian waktu pipi mulus itu hanya dibelai-belai. "Ihhhh Capat Sudah!" desaknya.

"Aduh ade sa tra bisa," jawab Yaklep sambil matanya merem-merem.

"Lho Knapa" tanya si Perem. "Sory Sa Lagi Tra Punya Uang,"

Perem: "Ahhhhhh!!!???"